Malay in kawlram ah a tlungmi hna sin in minung 8 nih Covid-19 zawtnak an nei

Malaysia ram ah phungning loin rian a tuanmi kawlram mi hna cu Operasi tlaihnak in kawlram leiah minung 120 cu kuat an si. Kawlram minung 120 chungah hin minung 8 nih Covid -19 zawtnak an iphurh tiah ngandamnak lei in tuanvo latu hnanih an chim. Malaysia ram ah phungning loin rian a tuanmi kawlram minung 120 hna cu Malay acozah nih kawlram ah a kuat hna tikah kawlram lei zongin ram i ven himnak an tuah bangin kawlram lei kuatmi minung 120 hna cu an dihlak in an chek dih hna.

Minung 8 nih zawtnak an iphurh caah an dihlak in hmunhma 5 ah an Θ›hen hna i cuticun ngandamnak lei zohkhenhnak hmunhma 5 ah an chiah chung hna tiah theih a si. Covid-19 zawtnak ruangah Malaysia acozah nih a ramchung ah tlaihkhihnak fakpi a tuah. Tlaihkhihnak a tuahmi ni 2 ah hin kawlram minung 1800 hrawng a tlaih hna.

Malaysia acozah nih minung tamtuk a tlaih hna tikah hin pakik sakhan le tlaihmi pawl hna an chiahnak ah hin minung cu an tamtuk caah pakhat le pakhat zong Covid-19 zawtnak an i chawnh sual lai ti zong phang a um ngaingai ko. Atuahcun an tlaihmi mipi hna cu an dihlak te in zawtnak nei maw nei lo tiah cheknak tha takin an tuah ve cang tiah Malaysia rampi ngandamnak lei tuanvo latu Noor Hisham Abdullah nih a chim.

0 Replies to “Malay in kawlram ah a tlungmi hna sin in minung 8 nih Covid-19 zawtnak an nei”