Bawipa nang cun na kan hmuh dih ko

Vawlei ah harsat le sifah kan ton can zongah lungdong hrimhrim hlah uh. Kan tonmi thil vialte hna cu Pathian nih a kan hmuh dih ko. A thli thup in thil tha lo le thil tha kan tuahmi vialte zong Pathian nih a kan hmuh dih ko. Sifak hna cungah dawtnak kan naih le naih lo zong Pathian nih cun a kan hmuh dih thimthiam.

Minung nih minung cu a hlen zungzal khawh ko lai. Sihmanhsehlaw a mah le a can te ai phak tikah cun zeithilhmanh thuh khawh le hlen khawh a si lo i biaceih zungah a thil tuahmi man cu a chiat ah siseh a țhat ah siseh a tuah ning tein pek a si lai.

Zeithil kan ton paoh ah Pathian panh hmasa hna u sih. Khoika hmun kan um hmanh ah a kan hmu i kan tuahmi thil vialte zong a kan hmu dihtu a si.

Minung le hawikom nih cun an kan kaltak ko lai. Chungkhar unau cingla rualchan hna he zong kan i țhen ko lai. Hmanhsehlaw a nung Pathian nih cun an kan țhen lai lo. A bia cu zungzal in a hmun i Pathian zong zungzal nung a hmunmi Pathian a si. Hawidawt Pathian panh ve cang.

0 Replies to “Bawipa nang cun na kan hmuh dih ko”