Thantlang Peng Tlangthluan Bawlung Chuih Zuamnak ( TYA Cup ) An Tuah Lai

Thantlang peng tlangthluan Bawlung chuih zuamnak hlunghlai taktak in an tuah lai.

Thantlang peng chung ah a ummi thlangthluan Bawlung chuih zuamnak cu Thantlang Youth Association ( TYA ) hruainak in TYA CUP ti min pu in an tuah lai tiah theih a si.

October 7-15 tiang an tuah lai. Tukum hi a voi 7 nak TYA Cup an tuah a si lai i kum dang nak in sunglawi le ropui khun tuah an timh ti zong theih a si. Cu ruangah zarh hnih chung bak lentecelhnak hi tuah  a si lai.

A tlang cio in a thiamthiam pin ah Yangon, Mandalay, Kalay le Mizoram tibantuk ah a thiammi zong i cah cio a si caah tukum cu a ropui ko lai tiah an ti cio. Mahhi Bawlung puai hi Thantlang peng caah cun a sunglawi taktak mi puai a si. Thantlang peng mino vialte i ton khawhnak caan ngan bik a si.

Tutan tlangthluan tawcaw Bawlung puai ahhin zei tlang dah na zumh bik hna. A tu hi timhtuahnak an ngeih cuahmah lio pi a si i a tlang cio in training zong an tuah cang hna.

 

Leave a Reply

Your email address will not be published. Required fields are marked *