Ramchung Ah Khachuansen ( Piat ) A Tlawmtuk Caah Ramdang Kuat An Kham

Khachuansen ( Piat ) a chuakmi a tlawm tuk ruangah ramleng kuat an kham. India ram ahcun tukum chung ah Khachuansen ( Piat ) an ram chung ah a chuakmi a tlawm tuk ruangah ramdang ah kuat lo ding in an cozah nih an kham.

An ram chungah ruahpi a sur Khachuansen an cinmi tamtuk a rawk. Cu ruangah tukum cu ramdang ah kua loin ramchung lawng ah zuar a si lai. Ramchung mi kan i za sual lai lo tiin an cozah nih ramdang kuat cu a khamnak  a si.

India nih Khachuansen a kuat tawnnak ram hna hi Vietnam, Myanmar le Thailand deuh ah an si hna. Myanmar ram in Khachuansen a rak latu ding Tilong pahnih cu India Tlanglong dinhnak hmun an phan cang ti ah theih a si.

Vawlei cung ahhin Tuluk ram i Khachuansen tambik a chuaknak hmun a si i India hi pahnihnak a si. Anmah India hrimhrim hi Khachuansen a uar tukmi a si.

Kan hawi ramdang cu an cozah a tha tuk. An ram chung ah thil chuak a tlawm ahcun an rammi caah an ruat. Kawlram cu a si ve lo. Zeitluk in rammi ei lo in kan um ding zong ah ramdang ah thil an kuat thotho.

 

Leave a Reply

Your email address will not be published. Required fields are marked *