A Voi 74 Nak UN Meeting Ah Myanmar Ai Awh In Bia An Chim

A voi 74 UN meeting ah Myanmar ram ai awh in bia a chimmi.

A tulio ah New York khuapi ah UN meeting an tuah cuahmah i Kawlram palai pawl zong state conseller le pyidawsuh vuanci a simi U Kyaw Htin Swe hruainak in an kal ve.

Pyidawsuh vuanci a simi U Kyaw Htin Swe nihcun UN meeting pi ah biachimnak tlawmpal a ngei ve. A chim bikmi kong cu ” Ralzam hna hi Kawlram ah an rak kir a si ahcun a hlan an umnak thing te ah khan kan umter hna lai i a hlan an umnak inn le lo nak in tha deuh kan tuah piak hna lai” tiah a chim.

U Kyaw Htin Swe le American ramleng vuanci zong tonnak an ngei. Rohinya kong buainak hi daihter cang i ramchung ah daihnak le remnak lenter cang uh tiah Amerucan vuanci nih a forhfial.

Tutan UN meeting ahhin Myanmar ram kong ah a lang bikmi cu Rohinya ralzam pawl kong a si. Rohinya ralzam kong hi UN meeting pi tiang a phan i vawlei cung hruaitu tampi nih an i ceih mi a si. RFA

 

Leave a Reply

Your email address will not be published. Required fields are marked *