Paletwa Peng Ah Sianginn 118 An Khar

Paletwa peng ah sianginn 118 an khar. Chin ramkulh Paletwa peng ah humhimnak ruangah sianginn 118 reng lo an khar tiah theih.

Chin ramkulh Sipin vuanci U Seo Htet nih Paletwa pengah humhimnak ruangah sianginn 118 reng lo an khar tiah a chim. Raltuknak a um ruangah sianginn kaimi ngakchia an um ko nain cachim tu saya an um lo ruangah sianginn khar a si tiah U Seo Htet nihcun a chim chap.

AA hriamtlai le Kawl ralkap Paletwa pengah an i kah lengmang ruangah nikum 2017-2018 ah khan sianginn 43 khar a si nain tukum 2019 ahcun sianginn 118 reng lo khar a si tiah a chim.

Paletwa peng ah sianginn 384 a um i 118 reng lo khar a si. Sianginn ah cachim tu ding saya / sayamah an um lo ruangah sianginn hi an kharmi  a si. Paletwa peng ah tukkahnak a um ruangah sianginn saya te hna cu an um ngam lo i hmundang ah an thial dih hna ruangah sianginn khar a sinak cu a si. RFA

Leave a Reply

Your email address will not be published. Required fields are marked *