Trump Nih Ralzam 18,000 Ka Lak Lai A Timi Ah Chin Ralzam Caah Ruahchannak A Um Maw?

US nih ralzam 18,000 a lak lai timi kong ah thil sining tlawmpal.

Octorber 1, 2019 in September 30, 2019 tiangah Presidenh Trump nih ralzam minung 18,000 lawng a lak lai tiah American hluthraw ah thawng an thanh. Mahhi ralzam 18,000 lak dingmi ahhin President Trump nih a timi lawng a si rih i an mah le state hlutraw cio ah fehter a hau rih. Hlutraw ah fehternak a um rih lo.

Ralzam 18,000 a lak dingmi chung ahhin biaknak namnet le sersat a tongmi hna chung in minung 5000 an si lai. Minung 4000 cu Iraq ram in an si lai i US ralkap hna caah thihnak le nunnak ri ah a ummi holh a leh piaktu hna caah an si lai. Minung 1500 cu American teih chungah a ummi ralzam hna an si lai.  A dang minung 7500 cu American phak hnu ah chungkhar lak a duhmi hna le UNHCR nih lah-wah-kah auh cangmi hna pawl an si lai.

Mahhi ralzam lak ding timi vialte hi state cozah cio nih hlutraw ah an ceih lai i an lungtlin ahcun fehter a si lai tinak a si. State hlutraw nih an ceihkhan hnu cio ah Trmup nih fehternak a tuah te dingmi a si.

Trump nih ralzam 18,000 lak ding a timi chung ahhin minung 7500 chung ah Chinmi kan i tel tinak a si. Cu pinah biaknak namnetnak a tongmi minung 5000 a ti caah Chinmi kan i tel ve ko lai nain tam kan i tel lai zumh a um lo. A ruang cu Kawlram hi Biaknak namnet a um tuk ti lo. Rohinya ralzam tu hi Biaknak namnetnak an tong deuh.

Malaysia ahhin Chin ralzam minung 35,000 hrawng an um i UNHCR Card a ngeimi hi minung 18,000 hrawng lawng an si lai tiah ruahdamh a si. New Delhi ah Chin ralzam minung 3000 tluk hrawng an um ve. Chinmi hi Khrihfa kan si caah US nih biaknak dang nak in a kan lak duh deuh zungzal. Cu ruang ahcun UN Card a ngeimi Lahwahkah a phi cangmi hna caah le chungkhar laknak kong ahcun ruahchannak a um pah ko.

 

0 Replies to “Trump Nih Ralzam 18,000 Ka Lak Lai A Timi Ah Chin Ralzam Caah Ruahchannak A Um Maw?”