Yangon, Mandalay, Neypyiraw Ahcun Motor Pohpoh An Chek Dih Hna

Yangon, Mandalay le Neypyiraw ahcun palik nih Motor an chek thluahmah cang hna.

Kan hnulei ah BBC nih a tialmi thawngpang kong he pehtlai in Yangon, Mandalay le Neypyiraw khuapi cu thawngpang a chia ngai i mipi thinphang in an um hna.

Cucu kan hnulei ah khan President zung nih cozah zung kip ah Neypyiraw khuapi ah ralhrang nih bomb an puah lai ralring tein um uh tiah a rak kuat bal cang hna. Cu kong he pehtlai in nithla zong dihthlir in an thei lo. Octorber 15-16 si lo ah September 25 or 26 ah tiin nithla an hmuh ning cu a si.

Cu he pehtlai in nihin American tanzung nih Kawlram chung khuapi pathum Yangon, Mandalay le Neypyiraw ah a ummi an mah an riantuan tu a simi hna chungkhar caah ralrin peknak ca an thanh. Mipi an tamnak hmun ah kal lo ding le ralring tein um ding ah ralrinnak ca an website ah an tial.

Cu kong ah mipi a lauter ngai hna. Kawl ralkap lei zong nih a hlei khun in nihin cu humhimnak tuanvo an lak mi ramchung media hna hmang in kan hmuh khawh. Palik nih Motor an chek len hna. Nihin zing thawk khan Yangon, Mandalay le Neypyiraw khuapi ahcun Motor an chek cang hna. Khuapi luhnak ah lam an block i Motor pohpoh an chek dih hna. Mipi an tamnak Tlanglong station le Pura hna ah bomb lei a thiammi ralkap pawl an kal i chek hlatnak an tuah tiah theih a si.

Mahhi thil ahhin Kawl ralkap sungthoh pawl nih thei hna sehlaw a dawh. Sungthoh pawl theih mi kha sungthoh nih an theih tiin tial phung a si lo caah an tial lo caah a si. President zung tiangtiang nih ralrinnak ca an chuah mi cu thil an theihmi a um ti cu a fiang ko. Tlangcung hriamtlai an puh hna. CNF zong an i tel ve ti a si.

Mahhi kong ah AA lei nihcun Neypyiraw khuapi tiang va kal in bomb puah kan tim lo. An tuah mi thil a that lo caah an mah tein an thin a phang le si ko cuh tiah Khan Thu Kha nih BBC sinah a rak chim bal cang. Yangon, Neypyiraw le Mandalay ahcun tuzan khuadei tiang in palik le ralkap nih special in humhimnak an tuah lai.

 

Leave a Reply

Your email address will not be published. Required fields are marked *