UN Meeting Ah Mahathir Nih Kawlram A Phomh

UN meeting ah Mahathir nih Kawlram a phomh hna. A voi 74 nak New York khuapi ah tuah mi UN meeting pi ah Malaysia Primister Dr. Mahathir nih Kawlram cu fak ngai in a ti hna.

“Rohinya buainak kong ahhin vawlei pi nih kan i tel ding a si. Malaysia zong Rohinya buainak tlangtlaknak kong ahhin kan i tel ve. Vawlei pi mahhi kong ah tuanvo nan lak awk a si. Myanmar cozah Rohinya buainak kongah tuanfel hrimhrim ai tim lo” tiah Mahathir nihcun meeting ah a ti hna. Myanmar cozah nih Rohinya buainak long tawlrel ai timh lo caah ICC ah chuah pi a hau ko tiah Mahathir nihcun a chimchap.

UN meeting dih hnu ah China, Bangladesh le Myanmar palai pawl hna cu a dang tein tonnak an ngei hna.

Rohinya ralzam hna hi Myanmar ram ah kir ding in Myanmar le Bangladesh ram nih an i zuam tuk ko. Voi hnih kirnak ding an tuah cang nain an hlawh a tling lo. Rohinya pawl an kir duh lo. Kan caah humhimnak a um lo kan kir kho lo tiah an ti.

UN meeting pi cu September 30 tiang New York khua ah an tuah lai. September 28 ah Kawlram kuzale zong biachimnak an ngei lai. Vawlei cung ram 193 an i tel kho. VOA

 

Leave a Reply

Your email address will not be published. Required fields are marked *