Mandalay Ah Palik Nih Bomb An Kawl Cang

Mandalay ah bomb an kawl cang. Mandalay khuapi mipi an i but deuhnak hmun pawl ah Mandalay palik nih nihin September 26, 2019 ni ah bomb an kawl.

Mandalay khuapi public park le tlanglong station le an Pura pawl umnak  mipi tam deuh umnak hmun poh ah bomb a um sual hnga maw tiah palik nih bomb an kawl hi a si. Bomb a um tiin an kawl cu si loin bomh a um sual hnga maw tiah an kawlmi tu a si. Nihin lawng si loin voidang zongah bomb hi kawl rih ding tiah an ti.

Nihin September 26, 2019 ni ah Mandalay, Yangon le Neypyiraw khuapi hna ah bomb puahnak a um kho tiah UN tanzung nih ralrin peknak an tuah ruangah palik le ralkap nih humhimnak tuanvo tha ngai in an ngeih hi a si.

Kan hnulei ah khan President zung nih cozah zung pawl hna cu hriamtlai hna nih bomb an puah lai caah ralring tein um uh timi ca an pek hna. An thawng theih ning ah October 16 – 26 le Septem 15-26 mahhi ah a si kho men tiah an chim. Cu raung ah mahhi ni cu a hlei khun ralring cio uh an rak timi kha a si BBC nih a tial.

Nihin Yangon, Mandalay le Yangon khuapi ahcun Kawl ralkap le palik hna nih Motor vialte an block i an cheh dih hna. Khualtlawng Bus zong an chek dih hna. An thin a phang ngaingai ko. Hraimtlai pawl nih an rak i timh mi cu maw  a si tak hnga Kawlram sungthoh pawl nih biavaivuan an theih mi cu dek  a si cem hnga. Mipi thinphang in an tuah dih hna.

Ref: RFA

 

Leave a Reply

Your email address will not be published. Required fields are marked *