Thit-umnak Tuah Lai Thi I Chek Bak Ding A Si

Thit-umnak tuah lai ah kan thi i chek ta cang usih

Vawlei cung ah dam khawh lomi zawtnak tih a nung bikmi HIV / AIDS zawtnak hi a si. Cu zawtnak nihcun kan upa Mizoram hna cu fak tuk in a den cang hna. Minung 1000 lemg HIV zawtnak hrik an ngei.

Chin ramkulh chung zong ah HIV zawtnak a ngeimi minung 100 reng lo an si. Kum khat chung ah Chin ramkulh ngandamnak zung nih HIV zawtnak ngeimi minung 100 reng lo an hmuh hna. Mahhi sizung ah a phan i sizung nih thi chek mi lawng an si. Sizung ah thi chek lomi sinah khin a um rih lai ti cu a fiang.

Cu ruangah Chinmi zong hi HIV zawtnak hrik nih a kan phak tuk cang caah ralrin taktak a herh mi a si. Kan zumh ngaimi kan nungak / tlangval sin zong in HIV zawtnak a um khomi a si. Cu ruangah hnangam ding a si lo.

HIV cu zawtnak karh a rang tukmi a si. A bik in nuleva sualnak in zawtnak a karh khomi a si caah zawtnak karh hi a fawi tukmi  a si. Sichunhnak tibantuk zong in zawtnak i chawmh khawh mi a si caah theihlokar te ah zawtnak i lak a fawi tuk.

Cu ruangah khoika  a ummi Laimi an si ah, ramthumnak um na si zong ah, Malaysia um na si zong ah, Laitlang khuate khuapi um na si zong ah nupi / pasal na mgeih lai ahhin na darling he nan thi nan i sit bak awk a si cang. Ningzak lo tein nan thi nan i sit awk a si.

Kum khat chung ah Laitlang ah minung 100 reng lo sinah HIV zawtnak hrik hmuh cu a tam ngaingai cang. Cu ruangah hnangam in um ti hlah. Na zumh tukmi nan nungak / tlangval sin ah khin zawtnak a um khomi  a si.

Nungak tlangval si lio ah nuva nuamhnak tuah zong hrial deuh i zuam ko cang. Tihnung a si cang hih. Nan i sum khawh lo si le condom hman ding a si ko. Condom hman zong ah vanchiat ahcun i chonh khawh thaim a si. Cu ruangah condom hman tik zong ah condom kha ai rawk saul maw, a pem sual maw timi kha tha tein zoh lengmang ding a si.

Khua khat nungak ai dawh nawn mi le a hur ngaimi hna HIV khi hei ngei sehlaw an khua tlangval tamtuk a chonh khawh mi hna a si. Tlangval dang nih nungak an chonh rih hna lai. Mah bantuk khan i chonh a fawimi a si caah sex hrial deuh i zuam. An hrial khawh lo si lo condom hmang ko.

A bik in nupi / pasal na ngeih lai ah nan thi i sit bak uh. Cucu hnangam cem a si pinah a tha bikmi thil nan tuah a si.

Rak share ve.

 

Leave a Reply

Your email address will not be published. Required fields are marked *