Malaysia Hruaitu Upa Zeimaw Dinfello Ruangah Chin Miphun Kan Min Chia – Zasang Cinzah

Malaysia hruaitu zeimaw ruangah Chin miphun kan min a chia – Zasang Cinzah 

Malaysia ah upa hruaitu zeimaw dinfello le makmiaknak hmuh duh ruang ah Chin miphun dihlak kan min a chia i, ralzaam in US ram pemnak lam fak tuk in a kham.

UNO pi a hlengtu le US cozah pi a hlengtu miphun ah kan icang. Dinfello upa hna nih an tuahserhmi tuar loin sualnak ngeilo mizapi tu nih tuar le ing a si. Hmailei/future ca ruat loin chikhat pawkhimhnak le miak hmuhnak lawng a ruatmi upa ruang ah faktuk in kan miphun a khawnden.

Chin Khrifabu ah maw Chin organizations tbk ah mipi le thangthar mino hna a hruaitu khotu aa fitmi hruaitu hmunhma pek duh loin mah pumpak le tanhmi hmunhma pek icuhnak nih zeitluk indah Chin miphun thangchonak a donkhan i community ah buaibainak a chuahpi timi zong hi fakpi in khuaruat a cu cang. Miphun a daw i thangthar mino hna zawn a ruatmi nihcun mipi a hruaitu le mino a hruai kho ding a si lai tiahbruahmi quality minung paoh kha hmunhma pek ding a si cang.

Chin State Capital, Hakha khuapi sersiamnak, City expanding program ah Lo-ram ngeitu ka si tiah aa timi mizeimaw le dinfello zung riantuantu hna nih sifak- santlailo tampi sinah phung loin inn hmun an zuar. Miak hmuhnak an tuah. Cozah nih phung an von rengh taktak tikah miakhmuh, dinfello phu cu an luat i zei hngalh lo sifak santlailo nih an tuar rih.

 

“Ram ngeitu ka si” tiah aa timi/claim tu chung in, a rannak in hmun a zuarmi pawl hi dinfelnak thinlung ngei lo caah a si tiah hmuh khawh a si. Zeicatiah, a taktak ahcun inn hmun an zuar hlan ah thate in cozah sinah registration tuah ta hnu ah, cun, anmah ngeitu an sinak aa fiang hnu lawngah, a ngeitu an sinak dotla document he midang sinah an zuar ding a si.

 

Chin miphun kan nulepa hna, nan fale caahhin chikhat miak hmuhnak lawng ruat loin hmailei kum 10 in Kim 20 mitthlam cuanh in nan kan kalpi a herh cang. Refugees kong a si ah, Khrifabu kong a si ah, Community kong a si ah, Khuapi sernak a si ah, Ram sernak a si ah hmailei kum tampi cuanh in dinfelnak le phunglam ttha he kan miphun hi hmailei nan kan kalpi a herh.

Credit: Zasang Cinzah 

Zasang Cinzah hi kan hnulei ah khan Malaysia Chin ralzam kong ah Malaysia ah a rak phanmi a si. Malaysia ah a ummi ralzam community upa hna le UNHCR zong a rak ton hna.

 

Leave a Reply

Your email address will not be published. Required fields are marked *