Chin Ramkulh Cozah Nih Media A Tih

Chin ramkulh cozah nih media a tih

Tutan Hakha sang thar samhmi hmun ah phungning loin inn sakmi pawl hrawh ding ah August 20, 2019 zing sml 8:00 in an kal cang. An kal lio video cu The Hakha Post nih live an thlah i hmuh khawh a si.

Zahan tlai hnu ah khan The Chinland Post nih Media luh an kham tiah a rak tial cang. Tu zing ah The Hakha Post Chief Editor Papui nih ” Cozah nih Media luh an kham caah kan lut kho lai lo” tiah live in a chim.

Ziah, Kawlram ah phungning loin inn sakmi pawl an hrawh lio ah Media pawl an luh zungzal ko tung. Video he hmanthlak he pei kan zoh zungzal ko khi. Kawlram lawng hlah ee, vawlei cung hmunkip le ramkip vialte ah phung lonh in sakmi inn an theh lio ah Media nih video he, hmanthlak he an kan hmuhter zungzal ko tung.

Nai hrawng NLD cozah Kawlram chung ah a inn theh tam he media ahcun kan hmuh zungzal ko.

Zei ruang ah dah a tu ah Hakha ah phungning loin inn sakmi cozah nih hriamnam he an theh lio ah media pawl luh hi an kham hnga. Zei ruangah a si hnga? Mahhi thil hi a thli tuah mi a si lo tiah voitam pi an mah cozah upa lila nih an chim ko tung.

Mah bantuk Media luh an kham hi Media zalonnak an hnursuan a si. Cu pinah Chin cozah nih Media hi a tih tuk ti a lang. Kan thil tuah mi hi Media an luh ahcun video in kan lang lai i hmanthlak in kan lang lai ramchung ramleng he an rak hmuh dih lai ti teh an phan le si ko lai. Cu ruang lo ah Media khamnak ding sullam a um lo.

Mah bantuk thil ah Media hmanh a rem lomi Chin NLD cozah cu mahhi si ko hih. Kum 2020 thimnak ah a lungfim lomi cu khuaruahhar mimak nan si lai.

Keimah pumpak hmuh ning le ruahnakĀ 

Photo: TCP, THP

 

Leave a Reply

Your email address will not be published. Required fields are marked *