Paletwa Khuami Minung 10 AA Nih An Tlaih Hna

Paletwa mi minung 10 AA nih an tlaih hna

Paletwa khuami minung 10 cu AA hriamtlai nih an tlaih hna tiah Chin ramkulh cozah nih an chim.

AA hriamtlai nih an tlaih mi hna Chin ramkulh Paletwa peng company lamcotu an tlaih mi hna minung 9 cu an thlah cang hna nain Paletwa khuami minung 10 an thlah rih lomi hna an um rih tiah Chin ramkulh cozah sinpin vuanci U Seo Htet nih RFA sinah a chim.

Chin nuhrin covo phu CHRO zong nih Paletwa peng Bawngwa khuami minung 4 tel in khuami minung 9 an tlau i a tu tiang hmuh an si rih lo tiah an chim.

CHRO File Director Salai Terah zong nih tihin a chim. AA nih an tlaih mi hna Paletwa peng company riantuan tu minung 9 an rak thlah hna i kan i lawm. A hnu ah an tlaihmi hna zong luat ter than hna seh ti kan duh tiah a chim.

Hmanthlak hi AA sakhan hmun pakhat si dawh a si.

A luan ciami March 30, 2019 ah khan Paletwa – Mizoram ramri hlei rian a rak tuanmi Satusan company riantuan tu minung 9 an rak tlaih hna i August 17, 2019 ah an thlah than hna. An rak tlaih mi hna cu ralkap sungthoh pawk he nan i pehtlai tiah an rak puh hna i an tlaih mi hna a si.

AA nih an thlah mi hna minung 9 cu Paletwa myo an phan cangmi khuami hna zong nih bawmhnak an pek hna tiah theih a si.

AA nih an tlaih mi hna Chinmi minung 9 an um rih. Cucu a tu tiang an thawngpang theih a si ti lo.

Kum 2015 ah khan AA hriamtlai cu Chin ramkulh Paletwa peng ah an rak cawlcang i nihin tiang an cawlcang. AA le Kawl ralkap ruangah Chinmi minung tampi harnak an tong. Sianginn tampi ah cachim tu ngei loin an um hna. Chinmi minung zeimawzat nunnak liammi zong an um.

 

Leave a Reply

Your email address will not be published. Required fields are marked *