Hriamtlai Le Ralkap Kahnak Ruangah Remdaihnak A Hnursuan – China

Hraimtlai le cozah kahnak ruangah remdaihnak a hnursuan – China

Shan ramkulh chak lei ah hriamtlai pawk le cozah ralkap kahnak ruangah remdaihnak a hnursuan tiah China cozah nih a chim.

Shan ramkulh chak lei ah a ummi AA, MNDAA, TNLA hriamtlai hna le Kawl cozah ralkap pawl kahnak ruang ahhin kaphnih kar remdaihnak a hnursuan tiah China cozah nih China cozah ramleng vuanci chimnak nawlngeitu Mr. Geng Shuang nih a chim.

A tu bantuk in raltuknak ruangah a thimi zong an um i China ramri daihnak fak piin a hnursuan.  Myanmar cozah ramdaihnak lam thluan ahhin China cozah nih pehzulh in a bawmh peng ko lai ti zong Mr. Geng Shuang nih a chim.

A tulio hriamtlai le Kawl cozah kahnak cu Lashio myone, Kuatkhan myone hrawng biatak tein a zualhmat lio a si i khuami ralzam minung 3000 leng an phan manh cang.

August 15, 2019 in hriamtlai nih Pyinoolwin le Naung Cho gate an kahnak in biatak tein raltuk ai thawknak hi a si. Ralkap nih Motor 40 reng lo in an kuat cang hna. Raltuknak Tank 2 zong an kuat hna.

 

Leave a Reply

Your email address will not be published. Required fields are marked *