Hakha Phungning Loin Sakmi Inn 8 Inn Ngeitu An Mah Tein An Theh Lai

Hakha phungning loin inn sakmi 100 reng lo thaizing an hrawh cang lai.

Chin ramkulh Hakha khuapi thar sernak ding sipin area chungah phungning loin inn sakmi pawl cu thaizing August 20, 2019 ah Chin ramkulh cozah nih an hrawh dih cang lai.

Chin ramkulh Hakha myo cozah zung ah tuahmi cozah le media tonnak ah Chin ramkulh chimnak nawlngeitu sipin vuanci Pu Seo Htet nih tu bantuk in a chim hi a si.

“Thaizing ah cozah zung pawl fonh in zing sml 7:00 in mi kan i bu lai i sml 8:00 ah inn hrawh hram kan thawk lai. Zanlei sml 6:00 tiang a si lai. Inn 8 cu kan mah tein kan theh lai tiah inn ngeitu nih a timi an um. An mah caah cun a cozah nih a herh ning in kan bawmh hna lai. Inn dang cu kan hrawh dih hna lai tiah Pu Seo Htet nih a chim.

Mahhi hmun ahhin cozah nih Motor lam a cawh hlan ahcun inn 8 lawng a rak um rih. Cozah nih hmun samh ding in a hun timhtuah i Motor lam a cawh hnu ah duhsak in inn an sak hna i a tu ahcun inn 135 a um cang. Phungning loin inn sakmi pawl cu cozah nih thla 2 chung ralrin peknak a tuah nain an theh hlei lo caah cozah nih theh piak an si lai.

Phungning lo inn hrawh tik ahhin zung tuanvo ngei pawl, khuanu khuapa hna zong an i tel lai i Chin ramkulh le rampi cozah

Mahhi hmun hi ekah 676 a kaumi a si i inn hmun 712 ah ser a si. Inn hmun a sokmi a tu tiangah minung 2000 reng lo an si cang.

Ref: Khonunthung News

Photo: The Chinland Post 

 

Leave a Reply

Your email address will not be published. Required fields are marked *