Breaking News: Hriamtlai Nih Ralkap Sakhan Pakhat An Lak Than – Video

Breaking News: Hriamtlai nih Kawl ralkap sakhan pakhat an lak than

Kawl cozah ralkap le Shan ramkulh chak lei hraimtlai pawl kahnak cu a zual chin lengmang ko. Daih lei a panh kho ruam ti lo.

Nihin August 19, 2019 ni zanlei sml 4:00 reng lo hrawng ah khan hriamtlai nih Nyat Kuat ralkap sakhan a fami an lak tiah an tial. A tang ah video zong Wai Yan Phyoe timi facebook nih a hun post i minute tlawmpal ah ka hmuh in ka hun lak colh. Tuzan lei an i kahnak a si tiah a chim.

နမ့္ကြတ္ တပ္စခန္း😞😞😞#crd video

Geplaatst door Wai Yan Phyoe op Maandag 19 augustus 2019

Shan ramkulh chak lei hriamtlai a simi AA, MNDAA le TNLA hna nih August 15, 2019 zing ah Naung Cho ralkap le palik sakhan an kah ruangah nihin tiang kahnak pehzul in a um. Kawl ralkap nih Motor 40 reng lo in ralkap a kuat hna. Tank zong pahnih a kuat hna. Lashio myone lei ah phan cang.

Lashio myone le Kuatkhan myone hrawng cu i kahnak a fak taktak. Khuami tampi phungki sianginn ah an zam i sianginn zong an khar. Khua chung dawr zong an khar dih ti a si.

Kawl ralkap a tanhmi media nih hriamtlai lei derthawn nak kong lawng te an tial. Hriamtlai a tanh mi media nih ralkap pawl derthawmnak kong lawng te an tial ve hoi.

Sinain tanhmi a ngei lomi media ngan hna si lawng in biadik theih khawh a si te lai.

 

Leave a Reply

Your email address will not be published. Required fields are marked *