Indonesia Ram Khuapi Jakarta Cu An Thial Cang Lai

Indonesia cozah khuapi Jakarta an thial lai.

Indonesiam ram ah khuapi bik a simi le cozah khuapi a simi Jakarta city pi cu Indonesia ram khaupi bik si ti loin khua dang tial an timh cang tiah theih a si.

Indonesia ram ah Jakarta hi khuapi bik a si i cozah lutlai pawl an umnak cozah hmunpi a si. Cozah caah khuapi si ti loin khua dang kan thial lai tiah President Widodo nih a chim.

Khuapi an thial lai ti tikah  Jakarta inn le lo vialte kha an theh dih lai i khua dang ah inn an sak lai i an thial lai ti khi a si lo. Lai tluak in ruah sual a fawi te hih.

Indonesia ram Jakarta khuapi hi mithiam mi hna nih an chimnak ahcun rilikam ah a ummi a si tikah a khua hi a niam tuk. Cun, a khua hi vawlei nih a tuar ti lo in pe 1 a tum cang ti a si. Kum 2050 tiang ah khin cun Jakarta khuapi ahhin rili ti a kut khomi a si tiah an chim.

Cun, Indonesia ram Jakarta khuapi hi Motor a tamtuk fawn i Motor a jam ti hi a um zungzal. Khuapi ah lam le sul kha zeiti hlei in remh awk a har tuk cang caah Jakarta khuapi hi cu thial a hau ko cang ti kha an rauh ciomi a si.

Jakarta khuapi ah lam a jam tuk tawn ruang ahhin kum khat ah Jakarta khuapi nih US dollar 7 billion lengmang sipuazi kan sung tiah an chim.

Indonesia ram Jakarta khuapi ahhin minung 10 million tluk an um hna. An khuapi hi lihnin nak meitlawn zawn ah a ummi a si fawn caah hin thial ah a him bik lai tiah an chim. Indonesia ram khuapi cu khoika dah a si lai timi bel a fiang rih lo.

Ref: The Jakarta Post

0 Replies to “Indonesia Ram Khuapi Jakarta Cu An Thial Cang Lai”