India Ram Ah Naupawi Liomi Nutung Pakhat Minung 5 An Tlaihhrem I A Fa A Thi

India ram ah nua a pawi liomi nu pakhat a fa thi lak in minung 5 nih an tlaihhrem

India ram ah kum 19 law a simi nutung pakhat cu nau a pawi buin misual minung 5 nih an tlaihhrem ruangah a paw chung naute a nunnak a liam tiah theih a si.

India ram Banswarsa myo pawng ah a ummi a si nau a pawimi hi thla 8 a si cang. An khua pawng khua pakhat ah an nupa in an kal. Cu lio ahcun mi an tlawmnak hmun pakhat ah khin hriamnam ai put mi minung pathum nih lam an kham hna. A pasal cu fak tuk in an velh hnu ah minung  5 nihcun minu cu an tlaihhrem.

Naupawi lio minu cu tupi chung ah an vai kalpi an tlaih hrem hi a si. A tlaihhrem tu hna cu Sunil, Vikas, Jetendra, Naresh le Jijay hna an si tiah an chim.

Minu cu an tlaihhrem hnu ahcun lamkam ah an hung chiah than. Mahhi thilcang August 13, 2019 ah khan thilcang a si.

Misual pawl cu palik le CID pawl nih an hlathlai hna i an tlaih cang hna. Mipi nih thihdan pe hna uh tiah an au. Minu a chungkhat pawl le zong nih misual pawl cu fak tuk an velh hna tiah local news nih an chim.

 

0 Replies to “India Ram Ah Naupawi Liomi Nutung Pakhat Minung 5 An Tlaihhrem I A Fa A Thi”