H1N1 Zawtnak Ruangah Minung 94 An Thi Cang

H1N1 zawtnak ruang ah minung 94 an nunnak a liam cang.

Kawlram chung ah H1N1 timi khuacan thatlo zawtnak ruang an a tu tiang ah a thimi minung 94 an tling cang tiah August 13, 2019 ni ah rampi ngandamnak zung nih an chim. August 10 tiang ah khan minung 92 an thi tiah an langhter i August 13 ahcun a thimi minung 94 an phan cang.

H1N1 zawtnak hi a tambik cu Yangon ramthen chung ah a si. Yangon ramthen chung hmanh ah Yangon myo thar ( thlanglei ) Hlaingtaya, Tinkanyun, Tanhlin, Hmawbi le Taketah myone hna ah zawtnak a tambiknak an si.

Kawlram chung dihlak ah H1N1 zawtnak ruangah minung 94 an nunnak a liam i minung 520 zawtnak ngeimi an si.

Tulio Kawlram furpi khuacan lio a si H1N1 zawtnak a tam khunnak a si. Yangon ramthen, Irrawady ramthen le Pako ramthen hna ah a tambik tiah an langhter. Mahhi zawtnak ralrin a hau ngaimi a si. Ralrin lo ahcun thih a fawi temi a si. Zawtnak i chawnh khawh mi a si caah tihnung a si khun.

 

Leave a Reply

Your email address will not be published. Required fields are marked *