Malaysia Ah Pu Tluang Za Uk Bawmh A Herh

CYOM: Malaysia ah mizaw harnak tongmi bawmh a herh

Malaysia ah ralzam dirhmun in a ummi Pu Tluang Za Uk ( kum 40 ) caah vawlei hmunkip le ramkip ah a ummi kan miphun hna zangfah dawtnak thinlung he kan kut rak samh cio rih hna usih tiin kan in sawm hna.

Pu Tluang Za Uk ( kum 40 ) hi Malaysia a umnak Lokeyew sang an inn ah July 31, 2019 zan ah khan inn leng step hlei ah a lum i a ril. A lu fak ngai in ai hliam caah clinic ah an kalpi. Clinic kal pah lengmang bu cun ai thlop. Dam lei panh loin a zual chin lengmang. August 6, 2019 ni ah khan clinic ah sii ai thlaih lio ah lungfim ti loin a um. Cuticun a rannak in UKM sizung ah an tlik pi. Sibawi te nih an chek tikah a thluak ah thi a lut an ti i August 7, 2019 zing ah operation an tuah.

August 6 in a tu tiang hi ICU room ah lungfim loin a um ko. CYO Malaysia nih sizung ahcun kan va zoh i a nupi he biaruaknak zong kan ngei. August 10 tiang ah khan sibawi te nih an kan chimh ning ahcun sizung um man bill RM – 19,000 a phan cang tiah an kan chimh tiin a nupi Zing Tha Sung nih a kan chimh. Pu Tlaung Za Uk hi zeitik tiang sizung ah a um rih lai ti theih a si rih lo. Pathian dawtnak thawng in dam tein a um kho dingmi a si.

“Kanmah nihcun tangka zeihmanh kan ngei bak lo. A tu tiang RM – 19,000 nan bill a si cang an kan ti. Hi pin ahhin zeizatdah ai chap rih lai, tampi ai chap rih ding a si. Zeitik tiang sizung ah a um lai ti zong theih a si fawn rih lo. Ka lungrethei tuk i rak kan bawm hram ko uh” tiah a nupi Zing Tha Sung nih CYOM sinah a chim.

Vawlei cung hmunkip le ramkip ah a ummi kan miphun vialte hna Malaysia sizung ( UKM ICU room ) ah lungfim loin ni tampi a it cangmi Pu Tlaung Za Uk dam khawhnak ding caah Pathian nih thluachuah an pekmi nan ngeihchiat chawva na ti khawh te na rak cheu kho ve hnga maw? Kan miphun minung pakhat nunnak chanchuah khawhnak ding caah na sian tawk te na ngeihchia chawva rak bawmchan ve dingin upantnak he zangfak kan in nawl ko.

Pu Tluang Za Uk ( kum 40 ) cu Pu Ngun Chit Hte le Pi Ngun Iang hna i an fapa a si. A mah cu Hakha khuami a si. A nupi Pi Zing Tha Sung ( Zokhua ) le a fapa pakhat he Malaysia ah ralzam dirhmun in khuasami an si.

Pehtlaihnak :
President: Salai Tum Bik Cung (Ph: 011 2678 9066 )
Media: Andrew Tum Tling ( 010 5697 881 )
: Hanah Sui ( 011 6181 1950 )
Vice President: Pu Tial Thang ( 016 983 8147 )

Chin Youth Organization Malaysia ( CYOM )

#Chawva in a bawm kho lomi kan um zong ah Pathian sin thlacamnak in rak bawm cio hna usih. Cun, share zong in rak bawm cio hna usih.

 

Leave a Reply

Your email address will not be published. Required fields are marked *