Malaysia UNHCR Nih 2013 UN Card Chuh Mi Card A Pe Lai Lo

Malaysia UNHCR nih kum 2013 card chuh cangmi card a pe than lai lo.

Kan hnulei hrawng ah i theihpalhnak tete a tam ngai. UNHCR nih Card chuh cangmi Card a pek than hna lai tibantuk a um. Cucu media pawl nih tlangpi special in tar in “UN Card chuh cangmi card pek than a si lai”  tiin an tial tikah minung tampi nih nan i zumh. Zapi a chung ca rel lem loin a tlangpi lawng nan i zumh. A chung ca rel zong ah a fiang lomi tampi nan um.

Cu ruangah kum 2013 UN Card a ngahmi chuh cangmi pawl nih khan Card an kan pek than lai tiin nan i ruah pah. Pek than a um lai lo. Pek than ding zong in ruahcham ngam ding a si lo.

UN nih Card a pek than lai timi cu kan hnulei pi i UN nih Chin ralzam ka dongter cang lai tiin cathanh a chuah hnu ah UN card taktak ai tlaih mi mihlun pawl Card chuh in Card fate a pekmi hna kha a thar in UN Card a pek than hna lai a timi a si. Tamtuk a pek than cang hna. Kha cu zeitin poh ah pek khawh mi an si.

Kum 2013 UN zunglut pawl nan i tel lo. Nan i pehtlai lo. Kum 2013 Asylum seeker Card pawl kha nan i pehtlai lo. UN nih interview tha tein an in tuah hnu ah Card chuh timi kha reject a si. UN nih hlonh khi a si cang. Cu ruangah kum 2013 UN zunglut pawl Card pek than an si lai timi cu a um bal lo. Final reject na si cang caah Card pek thannak lam zong a um ti lo.

Mahhi ai theihpalh mi le a fiang lomi nan tamtuk caah ka van tialnak a si. Kum 2013 UN rak pekmi pawl UN nih interview tha tein an in tuah hnu ah Card an ka chuh na timi kha cu interview na sungh caah a si. Na sungh cang hnu ahcun zeirindah Card cu na hmuh than khawh ti lai. A sullam a um lomi a si. Mah kha rak tuak len ti hlah.

Kum 2013 UN card chuh cangmi kha cu UN he zeihmanh nai pehtleihnak a um ti lo. UN he nan i pehtleihnak a dih bak cang. Ruahchannak zong rak ngei ti hlah. A mah belte kan Chinram hna dah a buai tuk i UN nih Card chuh cangmi kha ai chir tuk i a remh than ti lo ahcun a si kho ti lo. Kum 2013 Card chuh cangmi hi a tlawmbik minung 18000 renglo an si lai tiah ruah a si.

UN nih Card zong chuh i catlak zong pek ti lomi reject cang mi kha cu UN he pehtleihnak um ti lo.

A fiang lomi le Card pek than a si lai tiah a ruat mi an tamtuk caah mahhi ka tialmi hi mi tam deuh nih an hmuh khawhnak hnga rak share ve hram.

UN kong ahcun thilthar pakhat a um ahcun Community nih thawng an thanh peng ko. Community thawngthanh a si lomi thil thar kha cu rak zum ti hlah.

 

Leave a Reply

Your email address will not be published. Required fields are marked *