Kum 14 Nungak Tleirawl A Zampitu Tlangval Pa An Tlaih

Kum 14 nu a firtu kum 22 pa an tlaih i an report. Sianginn tangkua a kai lio nu nungak tleirawl pakhat cu kum 22 a tlangval nih a zampi / a fir i an tlaih caah palik sinah an report.

Thil sining cu Tohkyiant myone ah a ummi sianginn tangkua a kai liomi nungak tleirawl pakhat ( a min langhter lomi ) cu kum 22 a tlngval pa nih a fir. Tohkyiant myone ah a ummi San Ney Lin kum 22 nih a fir i a zampi tiah theih a si.

August 2, 2019 ah khan Hmawbi hotel ah a riah pi. Cu hnu ah August 3-5 kha an hawi pa inn ah an um. August 5, 2019 ah khan San Ney Lin i a nu le inn ah an rak lawi.

Cu thil cu nungak tleirawl i a nulepa nih an theih tikah an thinhung tuk. A kum zong a ngakchia tuk rih. Cu lio i zampi cu an ti i an duh lo ruangah palik sinah report an tuah. San Ney Lin cu palik nih an tlaih i thil sining an hlathlai lio a si.

Sianginn tangkua a kai liomi nungak tleirawl le San Ney Lin ( kum 22 ) hi ai duh mi an si. Pahnih ai duhdaw tein an zammi a si. Ref: AkT

Leave a Reply

Your email address will not be published. Required fields are marked *