Kum 13 Nu Ngakchia A Pu Le A Tapa Nih An Tlaihhrem Ruangah An Tlaih Hna

Kum 13 nu ngakchia a pu le a tapa nih an tlaihhrem lengmang.

Mah nu le far le a si komi rumro Kawl pawl hi cu an mak kho tuk eh. Nau a pawi tiang an tlaihhrem lengmang.

Mandalay ramthen, Minoolwin khayan Letpanlah khuate ah a ummi kum 13 lawng a si rimi nu pakhat ( a min langhter lomi ) cu a pu le cousin brother ( tawankuai ) a tta pa nih an tlaihhrem lengmang ruangah nau a pawi tiah theih a si.

Kum 13 nu ngakchia cu August 2, 2019 ah khan sianginn a rak lawinak in a lung a mit. A nu nih sikhan ah a va piah tikah cun nau a pawi ti a si. Kum 13 nu ngakchia cu duhsah tein thil sining an hun hal tikah tihin a chim.

“A luancia mi thla 4 ( a ni kai cinken ti lo ) ah khan inn chung ah keimah lawng ka um lio ah ka pu ( A nu ta ) Ting Zaw ( kum 26 ) a ra. Phone in video tibantuk pawl a ka zohter i a ka tlaihhrem. A hnu ah zong ah a ka tlaihhrem rih” tiah a chim. Cu pinah a luancia mi thla 4 ah khan tawankuai ka ta pa Min Khant Suh ( kum 25 ) nih keimah lawng TV ka zoh lio ah a ra i a ka tlaihhrem. A hnu zong ah a ka tlaihhrem rih” tiah a chimchap.

Cu kong he pehtlai in kum 13 nu ngakchia a nu nih August 4, 2019 ah khan palik sinah report a tuah i Ting Zaw le Min Khant Suh cu palik nih an tlaih hna. Kumtling lo tlaihhrem case in upadi ning in biaceih an si lai. A tlawm bik kum 20 veve thong an tla kho.

 

Leave a Reply

Your email address will not be published. Required fields are marked *