Suimilam 24 Chung US Meithal Kahnak Ah Minung 29 An Thi

US ah meithal kahnak a chuak mimung 9 an nunnak liam.

American ram Ohio ramkulh Dayton myo ah August 4, 2019 zing sml 1:00 hrawng ah khan meithal kahnak a chuak i a tlawmbik minung 9 an nunnak a liam pinah minung 16 hliam an tuar tiah CNN nih a chim.

Meithal kahnak hi Texsa ramkulj EI Paso ah kahnak a chuah i minung 20 an thih hnu sml 13 chung ah Ohio state Dayton ah a hung cang than mi a si. Nikhat ah meithal kahnak hmun hnih ah a um i a tlawmbik minung 29 an thi tinak a si.

Dayton 5th Street, Oregon district ah meithal kah a cannak hmun hi a si. Thawngpang theih in palik tampi an kal hna. Sizung lei nih an chimnak ahcun minung 16 hliam an tuar tiah an chim. Dayton meithal kahnak ahhin meithal kaptu pakhat a nunnak a liam i a dang meithal kaptu pakhat a um rih i Motor black in a zam tiah Ohio hrambunh WHIO-TV nih a chim.

A luanciami July 28, 2019 zan zong ah khan California ahntuahmi Gilroy Garlic Festival ah kum 19 pa nih meithal kahnak ruangah kum 6 Pa ngakchia le meithal kaptu tel in minung 4 an nunnak a rak liam. Ref: CNN 

 

0 Replies to “Suimilam 24 Chung US Meithal Kahnak Ah Minung 29 An Thi”