Philippine Ram Ah Tilong Pathum Ai Pah Minung 25 Thi

Philippine ram Tilong accident ah minung 25 an nunnak liam. Philippine ram rili ah August 3, 2019 ni ah khan Tilong pathum fak tuk in an i pah i a tlawmbik minung 25 an nunnak a liam tiah Emergency riantuantu hna nih an chim.

Zahan August 3, 2019 ah khan Philipine ram IIiLo myo le Guimaras kar rilin ah Tilong accident a ton hi a si.

Tilong pathum an i pahnak a ruang cu khuacaan a chiat tuk ruangah a si tiin an chim. Tilong accident ahhin minung 55 an chanchuah khawh manh hna taih Red Cross phu nih an chim. Minung 25 an nunnak a liam i minung 6 cu an tlau, a tu tiang an ruak hmuh a si rih lo.

Philippine ram ahhin kum chiar in Tilong accident ruangah minung tampi an nunnak a liam tawn. Khuacaan chia lakah Tilong mongtu ralrin lo le thil le minung tamtuk in an phurh ruangah a si. Mizzima

0 Replies to “Philippine Ram Ah Tilong Pathum Ai Pah Minung 25 Thi”