Paletwa Chin Ralzam Kawl Ralkap Nih Facang Cawk / Lak Rikhiah Piak Hna

Paletwa Chin ralzam hna Kawl cozah ralkap nih facang rikhiah zat lawng an lakter hna.

AA hriamtlai le Kawl cozah ralkap i kahnak ruangah Paletwa um Chinmi tampi harnak an tong hna. An khua inn lo an chuahtak in an zam hna. Cu hmun ah Chinmi mino hna zeimawzat nih bawmhnak tangka va pek ding in a hmun ah an kal i thawngfiannak an tuah.

Cu chung ah a tawinak tein a hun tial lai. An mah chim lomi thawngpang dang zong ka hun tial chih lai.

Paletwa Chin ralzam hna hi Kawl cozah ralkap nih facang an lak / an cawk tikah ah rikhiah piak a um. Cu ruangah din ei kong ah harnak an tong i an i tha lo tiah nihin ah ralzam a bawmtu hna nih thawngfiannak an tuah mi ah an chim.

Cu pinah zanlei sml 6:00 cung leng nan chuah lai lo an ti hna ruangah umkalnak ah harsatnak an tong. Damlo can zong ah harnak an tong. Raltuknak ruangah sianginn 100 leng an khar i sianginn kaimi harnak an tong. Cu ruangah Chin state leng ah fimnak a cawngmi zong an um, tiah an chim.

Ralzam ngakchia hna Miza khau lawng ah sianginn an kai caah cauk thutdan cabuai, uniformĀ  pawl an i tingzo lo i harnak an tong. Paletwa peng Maungnamah khaute khuami 150 hna cu AA le Kawl ralkap kahnak ruang ah Bechaungwa khua ah an zam i an um. Kawl ralkap nih hramhram in nan kir lai tiah an ti hna. An mah khuami nihcun kir an duh lo, an tih, tiah thawngfiannak an tuah mi ah an chim.

Mahhi kong ah FRA nih nitlak lei ralkap zungpi kan chawnh i kan hal tik hna ah Maungnamah khuami cuticun kan ti hna lo. Tha tein a ummi an si. An hman lomiĀ  a si. Tirawl an laknak tu ah kan bawmhmi hna an si deuh tiah an chim.

AA le Kawl cozah kahnak ruangah Chinmi minung 4000 tluk ralzam an si cang tiah CHRO lei nih an rak chim. Paletwa peng ah AA hriamtlai cu a naibik July 19 le 20 zong ah khan hmun hnih ah an i kap. Ref: RFA

0 Replies to “Paletwa Chin Ralzam Kawl Ralkap Nih Facang Cawk / Lak Rikhiah Piak Hna”

Leave a Reply

Your email address will not be published. Required fields are marked *