Aungla N Sang Cu World MMA Award Pek Ding Mi Ah A Min An Tar, Vote Pe Cio Hna Usih

Aungla N Sang Cu World MMA Awards pek ding hna mi list ah a min an tar ve cang. Mah hi World MMA Award hi Fighters Only Magazine nih Vawlei cung MMA I thuatnak ah hi pa hi cu zohchun awk a tlak bak ko ti mi hna lawng hi an thim mi hna asi.

Zeitin dah mah cu laksawng cu an hmuh ning asi lai tiah cun, Mipi hna Vote pek nak in thim asi lai.

World MMA Award hi, Football Prayer pawl hna nih Sui keden an ngak bantuk in MMA zongah zohchun awk a tlak bak mi hna caah mansunglawi taktak mi award pek an timh nak hna hi asi.

Atubantuk in World MMA Award an tuah mi ah Aungla N Sang zong – Charles “Mask” Lewis Fighter of the Year le International Fighter of the Year ah a min a tarlangh ve.

Atubantuk in MMA Fighter pawl hna Award an pek ding mi hna ah kan Kawlram chungin Aungla N Sang hna an van I tel mi cu cu lunglawm awk ngaingai hi kan si. Cu lawng hman cu si lo in kan dih lak in Vote zong hi kan pek cio awk zong asi.

Cun, a mah Aungla N Sang hrimhrim zong nih miphun dang hna hi Vote an ka pek mi nak in cun, ka chuahkeh nak Kawlram mipi hna nih Vote nan ka pek mi hi ka cohlan bik mi asi tiah a chim.

Aungla N Sang Vote pek a duh mi hna cun a tanglei I link kan chiah mi te hi hmet law tha tein Vote pek khawh asi. https://www.worldmmaawards.com/vote

Leave a Reply

Your email address will not be published. Required fields are marked *