Lai/Chin Media nih kan hrial deuhding

Lai Media thawngzamh nih kan hrialdeuh ah a ttha ko rua tiah ka ruahmi cu ; tutan i FB cahmai a hun khahter ngaimi zumhning (Trinity vs Oneness) kong hi a si.

Media(Lai Website ngeitu poh nih) UPC an si ah Baptist an si ah , cattialtu hi zei bantuk minung dah a si” timi a muru hngalh hleng loin an ttialmi poh mipi sin kan phakter tikah cu nih cun mipi vaivuanhnak, mipi lung i hmuhkhawhlonak, mipi buaiternak, mipi i remlonak tibantuk a chuahpi ngaingai.

Thawngzamh nih a rian cu a chia he a ttha he mipi sin phozar cu a si ko e, asinain, Laimi media lei ah kan hun thawh hi nizan te ceo in a si, ti usihlaw kan palhtuk lai lo dah. Cucaah chim duhmi cu mipi lung a fahtertu, mipi buaitertu hi cu kan hrial deuh rih ah a ttha ko tiah keimah pumpak ka hmuhning cu a si.

Biachap:: Bia i el tik, debate i tuah tikah civilized bia i el phun le uncivilized bia i el tiin a um taktak ko. Asinain ” bia i elding ah kan i ready hih, na ngamh maw?, na ngamh tawk ka ngamh”, tibantuk bia chim cu a hnakchia ngaimi lungput a keng tiin mipi nih hmuh a fawite.

Cu pinah mah le mah kan santlaih lonak mipi sin i phozar a si ti zong ruah khawh a si, zumhnak lei ah a pical ngaingai mi nih cu bantukin bia an chim in an zai bal lo, timi cu mikip nih theih le hngalh a si ko.

Pakhat le pakhat zumhning i hmuh thiam lo, lungsia a herh ahcun magazine , journal, tibantuk le documentary capar bantuk hna in ttial hna sehlaw cu nih cun mipi thinlung ah hmun a khuar deuh ngai hnga.

Social Media luklak (Facebook) ti luklak in kan au -khuan mi hi cu a si deuh rua lo tiah ka ruah!

Media poh nihcun hibantuk mipi sin phakter hi a ttha tiah cattialtu nihcun ka ruat lem lo, tthatnak, nak in i entainak tu a chuahter deuh ko rua tiah ka ruah,

Ref: Jeim Van Thawng Ceu Vakok Daily News

Related posts

Leave a Comment