Aung Myint Thang Nih “Laimi Ngeihchia Kan Si” Tiah A Chim

Aung Myint Thang nih “Laimi Ngeihchia kan si” ko tiah a tial mi nih hin ka thinlung ah rian a tuan ngaingai.  Atu lio kan lai mi sining te bak asi. Pumpak in a hohmanh a soisel hna loh, a sinain a chim mi hi kan mah le kan si nak zawn cio asi ko lai dah tiah ka ruah. A tamglei hi Aung Myint Thang nih a tial mi hna cu an si.

Pakhatnak Inn ttha taktak mi nai ngeih. Asinain an hringtu le cuza tiang an cawmtu na nu le na pa umnak innkha vun ruat ve. Inn chia tuk i khua an sak ahcun, awkhlawh i a vakmi pa he nan dirhmun ai khat ko.

Pahnihnak Mawtaw ttha taktak mi nai ngeih.  Asinain na nu le na pa nih phanat ttha hmanh an i dat khawh lo ahcun mi vanchia ngai mi na si.

Pathumnak Rawl man fakfak na ei kho hnga. Asinain na nu le na pa nih zing/zan anthur hang lawng an din ko ahcun nu le pa dawtnak a philh mi saram bantuk na si.

Palinak Phaisa duhchungin na hmang kho hnga. Asinain na nu le na pa leiba he khua an sak ahcun thluachuah hmu lo ngai mi na si.

Panganak Ram kip na hei tlawng ko hnga. Asinain na nu le na pa an thawng hmanh na theih tthittha lo ahcun ttahpi awk tlak ngai mi na si.

Paruknak  Pathian biatak na aupi len ko hnga. Asinain na nu le na pa hmanh upatnak le dawtnak he na chawnh hna lo ahcun Sehtan rap in na luat rih lo.

Note: Hmanthlak hi google chung  le Aung Myint Thang facebook chung ta ka lak mi asi.

Ref:Aung Myint Thang‎

Leave a Reply

Your email address will not be published. Required fields are marked *