Aung Myint Thang: KHAWCHIA NAKIN KRIHFA CHEUKHAT NANSUAL DEUH

Dawtmi careltu u le nau hna! khuachia nakin a sual deuh mi le ttih anung deuh mi kong kha ruah kan duh hna. Cucu zeidah asi hnga ti ah na ruah? Krihfa cheukhat hna hi kan si. Khawchia nakcun kan sual deuh hnga maw? Ttha te in vun rel hmanh.

  1. KHUACHIA HE NAN I TLUKNAK
  2. Khawchia nih mi a tukforh bantukin minung zong nih mi kan tuuk ve.
  3. Khuachia cu thil ttha nak in thil tthalo a tuah deuh bantukin minung zong hi thil tha nakin thil sual kan tuah mi a tam deuh.
  4. Khuachia nih mi tam pi a rawk hna bantukin minung zong nih mi tampi kan rawk hna ve hna.
  5. Khawchia nih mi tampi hell ah a hruai hna bantukin minung zong nih kan hruai ve hna.
  6. KHAWCHIA NAKIN KRIHFA NAN SUAL DEUHNAK
  7. Khuachia cu zu a sa lo, zu a zuar lo, zu a ding lo. Khrihfa nih kan sak, kan zuar, kan din.
  8. Khuachia cu phe aa kah lo, phaisa thap in scrabble aa kah lo, phaisa thap in tennis a tu lo, phaisa thaap in kawchia bawlung an chuih lo. Khrihfa nih kan tuah.
  9. Khuachia cu AIDS tibantuk zawttnak tthalo kha mi dang a chawnh lo, Khrihfa nih kan chawnh hna.
  10. Khuachia nih cun fing le tlang le khua le ram le khuati an hrawk lo. Khrihfa nih kan rawk.
  11. Khuachia nih cun mi thah mi nawn nak caah hriamnam a ser lo, nuclear bomb hna a ser lo. Hirosima le Nakasaki khua ah khawchia nih nuclear bomb a puah lo. Khrihfa nih kan puah.
  12. Khawchia nih mizal chung phaisa a fir lo, mi arti a hlawm lo, mi ar afir lo. Khrihfa nih kan fir.
  13. Khawchia nih riitnak sii zuar in inn tthattha ai sak lo. Khrihfa nih kan zuar i mi kan hrawh hna.
  14. Khawchia cu Pathian hman mi pastor te a ttih hna. Laimi cheukhat nihcun zeihmanhah nan rel hna lo.
  15. Khawchia cu a lih in holhtheihlo in a holh lo.

Khawchia le hnam nakin kan sual deuh ko lo maw?

  1. KHUACHIA CU KRIHFA CHEUKHAT NAK IN THIANG THLARAU IN A KHAT DEUH
  2. Khawchia cu Zisuh khrih hmai i a um tikah a ttih tuk i a ther in a ther. Kan nih Krihfa cu pumhnak chung kan um tikah Pathian hmai i kan chuah zongah kan Pathian kan ttih lo zei ah kan rel lo. Pathian hmaiah kan chuak kan ti tawn i Pathian kan ttihzah lo ning khi tuak ko hmanh.
  3. Khawchia cu Zisuh bia a ngaih. “Mi pa chung in chuak” a ti le a chuak, “vok chung ah lut uh” a ti le an lut. Kan nih Laimi krihfa cu Zisuh nih i daw uh a ti le kan i daw lo, cheuhra cheukhat ttha te in kan pe lo. Zisuh bia kan ngaih lo mi hi a tam tuk, chim cawk ding a si lo.
  4. Khawchia cu Zisuh vun chim lo Zisuh nih a hman mi mi nung hmanh hi a ttih hna, a ttihzah hna. Kan nih Laimi khrihfa cheukhat cu Pathian mihman mi a si ti kan theih ko mi zong kan nehsawh hna, kan huat hna, an thang kan chiat hna. Kan ttih zah hna lo.
  5. Khawchia cu Zisuh sinah thla a cam. Kan nih Laimi Krihfa cu thla voikhat hmanh a cam lo mi kan tam tuk. Zeitikahdah khawchia nih cun thla a cam? Minung le minung thil kan i hal mi hi thlacam a si bal lo. Pathian sin i thil kan hal mi poh hi thlacam asi. Zisuh zong cu Pathian asi caah khawchia nih “vok chung ah ka luh ter ko” tiah Zisuh a nawl mi hi an thlacam a si ve ko. Khuachia thlacamnak cu Zisuh nih a leh i vok chung ahcun a luh ter hna. Zisuh le khawchia an i pehtlaihnak hi Zisuh le kan Laimi cheukhat an ipehtlaihnak nakin tthat deuh dawh asi. Cucaah khawchia cu kan Laimi cheukhat nakin thlarau in a khat deuh.

Minung nak in khawchia cu a tthat deuh neah zeicadah Pathian nih a khamh ne lo? Zisuh hi khawchia caah a rak thi lo. Zisuh thisen nih khuachia sualnak hi a rak ttawl lo caah a si. Khuachia nakin a sual deuh mi le ttih a nung deuh mi nangmah le kei mah hna khamh kan si nak hi Zisuh dinfelnak le khamhnak thawng in asi. Zisuh nih kan khamh hlah selaw khawchia nakin faak deuh in dantatnak kan ton hnga. Cucaah sermi thil vialte lakah a sual bikmi cu minung hi kan si ko. Zumlotu an sual mi hi cu an mawh lo. Zeicatiah Sehtan fa an si. Khrihfa ka si ai ti mi zong hi Khawchia nakin kan sual deuh.

Cucaah zeitlukin ai lawm ding dah kan si. Khawchia nakin kan sual deuh bu in a kan dawtu le, kan sual a kan ngai thiamtu, vancung ah umnak a kan petu cungah hin zeitlukindah ai lawm ding kan si.

Leave a Reply

Your email address will not be published. Required fields are marked *