Mizo Nih ” Vai Chia Meimei” An Ti Bantukin ” Kawl Chia Meimei” Ti Ve Cang Hna Usih

Mizo nih “Vai chia  maimai” an ti bantukin “Kawl chia meimei” kan ti a za ve cang

Kanram cozah uknak cu chim hau loin nan theih dih. Kawlram cozah nih a duh ning poh in a kan hraui i sifahnak horkuang ah a kan thlak. Chuak kho loin a kan erh-khumh rih.

Mizoram tutan thimnak ah Vai pawl party Congress le BJP cu an tlak ning  a chia kho taktak. Mualpho bak in an tla ko. Mizo cu miphun thisa an ngei i party a dirthar mi BJP hna hi cu ek tluk hmanh ah an rel lo. Mizo National Front ( MNF ) nih teinak an hmuh. Mizoram zalonnak ding caah Pu Laldeng nih hruaimi kum 1961 ah a rak dirmi kha an si. 1986 ah zalonnak an ngah.

Mizoram cu nihin ni tiang miphun thisa an ngei dih. An miphun khi a tanh bak in an tanh. Khi tluk a kaumi India ram pi ah khin khi tluk a bimi Mizoram te nih khin India miphun khin a pelte zong a  tih hna lo.

Kan hnu ah Assam state le Mizoram state ramri kong ah an buai khah. Assam state cu Mizoram nak ina  let 12 in a  lianmi a  si Mizoram nak in a let 12 nak tam in milu zong an tam. A sinain Mizo nih an tih hna lo. An ramri kongah thih an ngamh tuk. Meithal keng loin Assam palik meithal keng tu pawl an fuh ngam hna. Mizoram palik hmanh an cawlcang lo nain MZP nih biatak tein an cawlcang.

Nizoram thim lai ah CEO caah vai pa an hun chiah. An duh ning in thimnak kalpi a timh lo ruangah  duhlonak an langhter hnawh. Mizoram in an thawl. MZP hruainak thiamthiam in an thawl.

Mizo nihcun Vai khi zeihamnh ah an rel hna lo. An upat hna lo an cawisang hna lo. An nehsawh lehlam hna. An ram buai lio ah India vai pawl nih an rak tuakto ning kha an philh loh. Cu raungah Vai khi an huat taktak hna.

Cu bantukin kannih Chinmi zong nih miphun thisa kan ngeih a herh tuk cang. A kawl party hrimhrim hi a  huat bak in huat ding a  si. NLD ee USDP ee ti ding a  si lo. Kanmah party tu kha kan tanh ding a  si. Kanmah miphun tu hi kan i tanh ding a  si. Kan miphun caah Mizo bantukin kan lung ai raul a hau. Cozah phu a si lomi zatlang bu CYO le CSU tibantuk hi thazaang kan pek ding hna  an si. An thazaang kan thawnter ding an si. Zatlang bu a thawn lo ahcun cozah nih mipi zeihmanh ah a  kan rel lai lo i cozah nih anmah duh ning in zei poh an ti lai an tuah ngam lai. A sinain zatlang bu kan thawn ahcun cozah nih a kan tih lai. Kanram cozah cu mipi duh ning in a kal kho lai.

Mizoram khi zoh uh. Zatlang bu a simi Mizo Studant Unian ( Mizo Zirlai Pawl )  le Young Mizo Association ( YMA ) nih an ramchung ah nawl an ngeih bik. A dih lo ning in rian a tuahmi cu an inn lo an chung hamnh ah an den hna. An lung ai rual tuk caah CM hmanh nih a tihmi hna an si.

Cu raungah Chin miphun hi lungrual tein um, zatlang bu kha tanh bak, miphun thisa ngeih i Kawl chia meimei pawl party vote pek ti lo ding.

Leave a Reply

Your email address will not be published. Required fields are marked *