Kawlram Chung Ah Helicopter Hlan A Ngah Cang Lai

Kawlram chung duhnak hmun poh ah helicopter hlan khawh a si cang lai

Kawlram chung i khualtlawn a duhmi hna caah khoika hmun poh ah helicopter in zuang kho dingin timhtuahnak an ngei cang.

Mahhi helicopter cu sml 1 ah Kawlram tangka in ting 60 a si lai. US dollar cun 4000 a si lai. Mahhi helicopter in khualtlawn khawhnak cu Trumpet Travels operation nih tuahmi a si.

Mahhi helicopter cu thleidannak um loin mizei poh nih hlan khawh mi a si. Mandalay Chainmyattasi airport thing ah hram an bunh i, cu hmun in cun Kawlram chung khoika poh hlan khawh a si.

A tu ah khualtlawng minung pali a phur khotu Helicopter 2 a um i minung 10 a phur khotu helicopter 1 a um. A dang zong chiah chap an timh. Mizaw zual caah siseh, motor in a phak khawh lonak hmun ah siseh, rianrang in phak a duh mi caah siseh, a herhnak poh ah hlan khawh a si.

A hlan ahcun ralkap helicopter lawng rak hlan khawh a si i a man a rak fak tuk. Bawi le ralkap he ai pehtlai deuh mi lawng nih rak hlan khawh a si. A sinain a tu khoika hmun kal duh poh ah mizei poh nih hlan khawh a si. Suimilam pakhat chung ah US dollar 4000 a si lai.

 

Related posts

Leave a Comment