Tinung:Night Club-Ah Mi 6 Thi 12 An I Hliam

Report theih ning cun Italy ram, Corinaldo khuapi chung a si mi Lanterna Azzurra Nightclub ah hlasak thiam pawl hna cu nuamtuk in hla an sak cuahmah lio ah minung pakhat nih dur a hak mi in a cheh hna ruangah mipi an lau tuk i an mah le an mah an i pahnak ah minung 6 an thi i a dang 12 leng nih hma fak ngai in an ing tiah theih a si.

Nightclub chung ah nuam tuk in hlasaknak puai a zoh mi hna hi an dihlak in minung 1000 leng hrawng an si hna lai tiah an chim. Hi thil hi 8 December 2018, an mah Italy caan in zinglei suimilam 1:00 AM hrawng ah a si. Stage cung ah hla a sa cuahmah mi hna cu minung pakhat nih tidur a hak mi in a cheh hna ruangah mipi an lau tuk hi a si. Ralhrang dohnak phun in a ruat mi zong an um caah an mah le an mah faktuk in an i pah hna.

A tu tiang theih khawh tawk ah a thimi minung (6) an si, a dang minung 12 leng nih hliamhma fak an tuar tiah an chim. Dur in a chep tu hna kong he pehtlai in thawngpang zeihmanh a um rih lo. A hliammi hi an fak ngai hna caah Senigallia le Ancona Siizungah an zoh cuahmah lio hna an si.

Leave a Reply

Your email address will not be published. Required fields are marked *