Egypt-Ah Kan Khrihfa Hawi Minung Pasarih Nih ThihNak An Tuar

Kan theih cio bantukin Egypt-ram hi kan thei bantuk in Khrihfami an tlawm tuknak ram a si.  Minya khuaa Coptic Christian monastery pawngte ah kan cacawn ninga ni ah khan mi pakhat nih biakinn ah a kalmi , Khrihfa mi hna an i citnak  bus cu a kah i miung  pasarih an thi. cu lawg hmanh a si rih lo, Minung 14 nih hliamhma an tuar  hna.

Hi tin thil a cannak hmun le hma hi Cairo in km 260 hrawng a hlatnak, Minya-ah Confessor monastery pawngte ah a si. Hi Khrihfami hna hi zeihmanh sualnak le buainak a chuahpi hmasa mi hna zong an si lo. A chuah zong an chuahpi bal fawn lo. Asinain, Khrihfami hna  hi a kan rem lo mi le a kan dohtu an rak um ve hrimhrim. A kan doh lengmang. Abikin  mizei nih dah a kan doh leng mang kan ti ah cun, Islamic State (IS) misual deuh pawl hna hi a kan doh tawn tu an si leng mang.

Kan hnu cacawn ninga ni i Khrihfa mi hna an kahnak hmun hi, kum 2017, May thla ah meithal ai kenmi hna nih Khrihfami hna an rak kah hna i, minung 28 an rak thih phahnak hmun he khan aa neihte nak hmun a si. Archbishop of Minya, Anba Makarious ni cun,misual(damiah) hna nih hin, Sohag province in, monastery in kir lei ah an kah hi a si tin a chim. chanh manh loin, a hmun ah minung pasarih an thi colh hna i, thih ngaingai loin, fak ngai in ai hliammi zong minung 14 an um rih tiah an media nih an langhter.

 

Leave a Reply

Your email address will not be published. Required fields are marked *